#1 - Kumusta ug Welcome!

Bag-ong Dan-ag

Click here to Watch on YouTube
Welcome sa pinaka una nato nga episode sa atong podcast nga gitawag ug Bag-ong Dan-ag. Kini nga podcast gi-dedicate ni nato para sa pag-promote ug critical thinking ug skepticism, especially na gyud sa atong mga kabatan-unan karon. Tungod kay nag dako ko sa Cebu as a Catholic, usa sa atong pinaka major nga topic kay ang religion, particularly ang Christian nga religion. So mag hisgut-hisgut kita bahin sa mga simbahan parehas sa Katoliko Romano, Saksi ni Jehovah, Sabadista ug uban pa.
Ang critical thinking ug skepticism dili lang para sa religion. Ma-apply ni nato sa lain-laing area sa atong kinabuhi. So mag hisgut pud ta pananglit sa financial, political, economics, health or medicine ug uban pa.
So kung kinsa tong interesado nga mo explore niining mga butanga uban nako, palihug ug subscribe sa atong podcast, add mo sa inyong mga comments, questions, suggestions or mga reactions. Akong paninguhaon nga maka post ko dinhi regularly, at the moment kay weekly, matag adlaw nga Byernes o Sabado.
So para sa kaning una nga episode, akong i-explain kung unsa, para nako, ang pasabot sa critical thinking ug skepticism.
Mag sugod lang ko sa skepticism, nga akong pasabot ani kay simply, ang pag-duda -- "doubt." Dili ingon nga mag duda ta tungod kay wala tay salig, o tungod kay naghunahuna ta nga basin gi-ilad ta. Dili na maoy tumong ug tuyo sa atong pag duda. Igo ra natong gigamit ang "duda" or "doubt" para dili ta dali nga malinlang sa mga bakak, pangilad o sa mga butang nga dili tinuod.
Ang critical thinking, mura nig extension sa atong pag duda o "doubt." Mao kini ang exercise kung diin atong gamiton ang atong kahibalo ug pangisip para pag suta kung wala ba ta bakaki, o gi-ilad o gi-presentahan ug something nga dili tinuod.
Again, dili ni aron lang mga magpagahi ta ug ulo or mahimong tang lisud ika-kuyog. Mugamit ta sa critical thinking ug skepticism nato aron dili ta ma-ilad o ma-sipyat sa atong mga pagtuo nga maoy mo influence sa atong actions. Importante kaayo ni tungod kay ang atong actions, mo affect man dili lang sa atong kaugalingon, pero apil pud ang ubang mga tawo.
Usa ka example kay kung naa kay makit-an sa Facebook nga nag-ingon namatay na daw ang Queen sa England, si Her Majesty Queen Elizabeth II. Kung dili ka mo-exercise ug maskin gamay lang nga pag duda, mo-tuo lang pud ka dayun unya mamalita pa gyud kas imong mga Friends. Unya diay to, dili diay to tinuod. Dili lang kay nga nagpaka-uwaw lang ka sa imong kaugalingon, pero imo pa gyud nga gipakita sa uban nga medyo dili ka kasaligan.
Laing example kay ang religion. Kung nag dako ka nga Katoliko, sama nako, sukad pas gamay pa ka, gi-indoctrinate na ka nga ang Katoliko Romano mauy tinuod nga simbahan ni Kristo, then kung naa kay ma-meet nga Saksi ni Jehovah, nga utro pud sukad pas gamay pa, gi-indoctrinate nga ang Saksi ni Jehovah ang tinuod nga simbahan. Surely, dili pwede nga sakto mong duha. Kung wala kay pag-duda o critical nga pangisip, dili ni nato masulbad kung kinsa man kaha gyud ang sakto.
Igo na ba na nga rason nga ang religion nga imong nadak-an, nga mauy gi-tudlo nila nga mauy tinuod nga religion, therefore mao na na ang tinuod nga religion? Igo na na nga rason para nimo?
So mao ni nga mga topics ang atong hisgutan dinhi. Kung intersado mo sa pag explore niini, ayaw kalimot ug Subscribe ug share sa atong podcast. Para ato ning tanan.
Dinhi lang usa, hangtud sa sunod higayon. Daghang salamat.

Question everything.