==== भारतीय प्रचलित भाषा जिनके एक लाख से दस लाख वक्ता (३०-६०) - "खुशखबरी", "जीवन के शब्द", "इँजील गीत" / / INDIAN POPULAR LANGUAGES THAT HAVE 100,000 TO ONE MILLION SPEAKERS(FROM No.30 TO No.60) - "GOOD NEWS", "WORDS OF LIFE", "GOSPEL SONGS"====
«
»
Mundari Language - "Words of Life".mp4
MP4•Home de episódios
Manage episode 377565256 series 3513440
Conteúdo fornecido por Tze-John Liu. Todo o conteúdo do podcast, incluindo episódios, gráficos e descrições de podcast, é carregado e fornecido diretamente por Tze-John Liu ou por seu parceiro de plataforma de podcast. Se você acredita que alguém está usando seu trabalho protegido por direitos autorais sem sua permissão, siga o processo descrito aqui https://pt.player.fm/legal.
मुंडारी भाषा - "जीवन के शब्द" mp4 // 1 କୁରିନ୍ଥିୟୋରେନ୍ 13 - ଦୁଲାଡ଼୍-ସବେନ୍ ଏତେ ବୁଗିନ୍ ହୋରା1ଆଗାର୍ ଇଙ୍ଗ୍ ହୋଡ଼ୋୱାଃ ଆଡୋଃ ସିର୍ମାଦାସୀ କୋୱାଃ ଭାଷା ବାକାଣ୍ୟାଇଙ୍ଗ୍ ହାର୍ ଦୁଲାଡ଼୍ କାଇଙ୍ଗ୍ ମାଣ୍ତାଅତାନା, ଦୋ ଇଙ୍ଗ୍ ଠିନ୍-ଠିନ୍ ଷାଡି ତେୟାଃ ପିତାଲ୍, ଆଡୋଃ ଝାଙ୍ଗ୍-ଝାଙ୍ଗ୍ ଷାଡି ତେୟାଃ କାର୍ତାଲ୍ ଲେକା ତାନିଙ୍ଗ୍। 2ହାର୍ ଆଗାର୍ ଇଙ୍ଗ୍ ଆୟାର୍କାଜି କାଜି ଧାଡ଼ି ତାନିଙ୍ଗ୍, ହାର୍ ସବେନ୍ ଉକୁକାନ୍ କାଜି କୋକେ ହାର୍ ସବେନ୍ ଲେକାନାଃ ସେଣା କେ ବୁଝାଅଃ ତାନିଙ୍ଗ୍, ହାର୍ତେ ଇଙ୍ଗ୍କେ ନେତାଃ ସାନ୍ତେ ପୁରା ବିଶ୍ଵାସ୍ ମେନାଃ ଚି ଇଙ୍ଗ୍ ବୁରୁ କୋକେ ଗେନାତାଃଇଙ୍ଗ୍, ମେନ୍ଦୋ ଦୁଲାଡ଼୍ କାଇଙ୍ଗ୍ ମାଣ୍ତାଅ ତାନିଙ୍ଗ୍, ଦୋ ଇଙ୍ଗ୍ ଜାହାନାଃ ହ ନାହାଲିଙ୍ଗ୍। 3ଆଗାର୍ ଇଙ୍ଗ୍ ଇଙ୍ଗ୍ଆଃ ସବେନ୍ ସାମ୍ପାତି କେ କାଙ୍ଗାଲ୍ କୋକେ ଆଜୋମ୍ ତାକୋୱାଇଙ୍ଗ୍, ଚାହେ ଇଙ୍ଗ୍ଆଃ ହୋଡ଼ମୋ କେ ଜୁଲେ ଲାଗିନ୍ ଏମ୍ ତାଃଇଙ୍ଗ୍, ହାର୍ ଦୁଲାଡ଼୍ କାଇଙ୍ଗ୍ ମାଣ୍ତାଅୟା ରେଦୋ ଇଙ୍ଗ୍କେ ଜାହାନାଃ ଲାଭ୍ ବାନୋଗା। 4ଦୁଲାଡ଼୍ ଝେଲାଅଃ ୱାଏ, ହାର୍ ଲିବୁଇ ନିଃ ତାନିଃ; ଦୁଲାଡ଼୍ କାଏ ହିସିଙ୍ଗା ୟାଏ, ଦୁଲାଡ଼୍ ଆପାନାଃ କାଏ ମାରାଙ୍ଗ୍ଏନା ଆଡୋଃ କାଏ ଘାମାଣ୍ଡେ ୟାଏ, 5ଏନା କାଠାଉକା ଲେକାତେ କାଏ ସେସେନା, ଏନା ଆୟାଃଗି ବୁଗିନାଃ କାଏ ସାନାଙ୍ଗା, କାଏ ଖିସୋଃ ୱାଏ, ଗାଲ୍ତି କୋକେ କାଏ ସାବେୟାଏ। 6ଏତ୍କାନ୍ କାମି ତେ କାଏ ରାଶିକାଃୱା, ମେନ୍ଦୋ ସାର୍ତି ତେ ରାଶିକାଃ ୱାଏ। 7ଇନିଃ ସବେନ୍ ବାକାଣ୍ କୋକେ ସାହାତିଙ୍ଗ୍ କେୟାଏ, ସବେନ୍ ବାକାଣ୍ କୋକେ ପାତି କେୟାଏ, ସବେନ୍ ବାକାଣ୍ କୋରାଃ ଆଶ୍ରା ମାଣ୍ଡାଅୟାଏ, ସବେନ୍ ବାକାଣ୍ କୋରେ ସାହାତିଙ୍ଗ୍ ମାଣ୍ଡାଅୟାଏ। 8ଦୁଲାଡ଼୍ ଚିଉଲା ହ କାଛାବାଅଃୱା, ଆୟାର୍କାଜି କାଜିକାନ୍ ରେଦୋ, ଏନା ଛାବା କେନୋଗା, ଭାଷାକୋ ତାଇନ୍ ରେଦୋ, ଟୁଣ୍ଡୁଃୱା, ସେଣା ତାଇନୋଃ ରେଦୋ ରିଡ଼ିଙ୍ଗ୍ଅଃୱା। 9ଚିୟାଃଚି ଆବୁୱାଃ ସେଣା ତାରା ଗିୟାଃ; ହାର୍ ଆବୁୱାଃ ଆୟାର୍କାଜି କୋ ତାରା ଗିୟାଃ; 10ମେନ୍ଦୋ ଚିମ୍ତାଙ୍ଗ୍ ସବେନାଃ ପୁରା ରିକାନିଃ ହିଜୁଗାଏ, ଇମ୍ତା ସାରେଃତେୟାଃ ମେଟାଅ କେନୋଗା। 11ଚିମ୍ତାଙ୍ଗ୍ ଇଙ୍ଗ୍ ହୋନ୍ ଗି ତାଇନ୍ କେନାଇଙ୍ଗ୍, ଇମ୍ତା ହୋନ୍ କୋ ଲେକା କାଜି ତାଇନ୍ କେନାଇଙ୍ଗ୍, ହୋନ୍ କୋ ଲେକା ପାହୋମ୍ ତାଇନ୍ କେନାଇଙ୍ଗ୍, ହୋନ୍ କୋ ଲେକା ବୁଝାଅଃ ତାଇନ୍ କେନାଇଙ୍ଗ୍; ମେନ୍ଦୋ ଚିମ୍ତାଙ୍ଗ୍ ହାରା ଜାନିଙ୍ଗ୍ ଇମ୍ତାଙ୍ଗ୍ ହୋନ୍ କୋୱାଃ ଲେକାନ୍ କାଜିକୋକେ ବାଗେକେଦାଇଙ୍ଗ୍। 12ନାଆ ଆବୁକେ ଆଏନା ରେ ଧୁନ୍ଦଲା ଗି ନେଲୋଃ ତାନା, ମେନ୍ଦୋ ଏନ୍ ସାମାୟ୍ ଆମ୍ନାଙ୍ଗ୍-ସାମ୍ନାଙ୍ଗ୍ ନେଲେୟାବୁ, ନାଆ ଦୋ ଇଙ୍ଗ୍ଆଃ ସେଣା ତାରା ଗିୟାଃ, ମେନ୍ଦୋ ଏନ୍ ସାମାୟ୍ ପୁରାପୁରି କେ ସାରିଉରୁମେ ୟାଇଙ୍ଗ୍, ଜେଲେକା ପାର୍ମେଶ୍ଵାର୍ ଇଙ୍ଗ୍କେ ସାରିକାଦିଙ୍ଗ୍ଆଏ। 13ଏନାତେ ନାଆ ବିଶ୍ଵାସ୍, ଆଶ୍ରା, ଦୁଲାଡ଼୍ ନେ ଆପିୟା ବାଇକାନ୍ ତାଇନା, ମେନ୍ଦୋ ନିକୁୱାଃ ଏତେ ସବେନ୍ ଏତେ ମାରାଙ୍ଗ୍ ଦୁଲାଡ଼୍ ତାନାଃ।
…
continue reading
102 episódios