Brunsj við Lindu Unudóttir Olsen

Brunsj

Linda Unudóttir Olsen er 55 ár, fødd, uppvaksin og búsitandi í Tórshavn. Hon er útbúgvin blómuprýðari og starvast í Blómuhúsinum á Hálsi í Havn. Linda er eisini edrúur alkoholikari, og tað hevur hon verið í meir enn 23 ár. Tá Linda var tvey ár, lat mamman hana frá sær til Barnaheimið í Havn, har hon vaks upp og búði, til hon sum fjúrtan ára gomul varð send á ein kristiligan ungdómsskúla í Danmark. Linda byrjaði tíðliga at ballast og at ganga í býnum. Rúsevnini vundu uppá seg, og hetta førdi hana út í eina misnýtslu, sum hon ikki megnaði at stýra. Tað var tó ikki fyrr enn Barnaverndin bankaði uppá, at Linda sum 32 ára gomul fór í viðgerð á Heilbrigdinum á Velbastað. Í dag hevur hon eitt virkið arbeiðslív og eitt ríkt familjulív við trimum børnum og tveimum ommubørnum. Sent varð beinleiðis úr stovuni heima hjá Lindu og synum hennara í íbúðini Undir Glasheyggi í Havn. Eyðfinn Jensen er vertur.